Хан-уул дүүргийн 3-р хорооны нутаг дэвсгэр буюу Гурвалжингийн гүүрний урд байх Дэлгэрэх хотхоны шинээр баригдаж буй барилгын кран унасан хэрэг өнөө өглөө /06.09/ гарчээ. Азаар хүн бэртэж гэмтэж, хүний амь нас эрсдээгүй ч кран дор даруулсан хэд хэдэн машин их бага хэмжээгээр эвдэрсэн талаар тухайн хорооны оршин суугчид хэлж байна.
Өмнө нь уг барилгын ажил дээр хэд хэдэн асуудал гарч байсан талаар ч онцолж байгаа юм. Тухайлбал, уг барилга дээр ажиллаж байсан нэгэн солонгос иргэн унаж амь насаа алдаж байсан бол цутгалын машины помп задарч мөн л тухайн үедээ асуудал үүсгэж байжээ.
Б.ХУЛАН
