УИХ-ын гишүүн Д.Мурат, Д.Гантулга нарын бүрэн эрхийг түдгэлзүүлэх асуудлаар МАН-ын бүлэг ахин хуралдаж, шийдвэрлэхээр болсон талаар УИХ-ын гишүүн Д.Оюунхорол хэллээ.
УИХ-ын гишүүн Д.Гантулга, Д.Мурат нарын бүрэн эрхийг түдгэлзүүлэх хүсэлтийг Улсын Ерөнхий прокурорын газраас УИХ-д хүргүүлсэн байдаг. Улмаар энэ асуудлыг УИХ-ын чуулганаар хэлэлцсэн ч тэдний бүрэн эрхийг түдгэлзүүлэх шаардлагагүй хэмээн хүлээн аваагүй юм. Гэсэн ч Ерөнхий прокурор М.Энх-Амгалан "Бүрэн эрхийг нь түдгэлзүүлээгүй ч үргэлжлүүлэн шалгаж үнэн мөнийг олно" гэсэн юм.
Мөн Д.Мурат, Д.Гантулга нарын бүрэн эрхийг зайлшгүй түдгэлзүүлэх шаардлагатай гэсэн саналыг эмэгтэй гишүүд илэрхийлсээр байгаа. Өөрөө санал хураалтад оролцох нь хууль зөрчсөн, ёс зүйгүй үйлдэл гэж шүүмжлэлтэй байр суурьтай байгаа юм.
Б.ХУЛАН
