Яг одоо төрийн ордонд УИХ-ЫН ГИШҮҮН Д.ГАНТУЛГА мэдээлэл хийж байна. Тэрээр УИХ-ын гишүүний бүрэн эрхээсээ татгалзаж байгаагаа илэрхийллээ. Хэлсэн үгэндээ “Би УИХ-гишүүнийхээ хувьд өөрийнхөөрөө шийдвэр гаргаж чадахгүй зүйл олон байлаа. Залуу насныхаа гэнэн итгэмтгий зан чанараасаа болж ийм асуудалд орооцолдсондоо чин сэтгэлээсээ харамсаж байгаагаа илэрхийлж байна. Гэр бүл, хайрт хань, найз нөхөд, хамтдаа хууль батлалцсан эрхэм гишүүд болон хүндэт сонгогч нараасаа уучлал хүсч, албан ёсоор гишүүний бүрэн эрхээсээ татгалзаж байна” гэлээ.
Тэрээр өөрийгөө болон хохирсон гэх Наранзаяа, Саранзаяа, Цэрмаа гэх бүсгүйчүүдээс улс төрийн золиосонд орсонд нь эмэгтэй хүнийх нь хувьд өмнөөс нь харамсаж байгаагаа хэлсэн юм. Дээрх хүсэлтээ албан ёсоор УИХ-ын дарга М.Энхболдод өглөө.
Б.ХУЛАН
