“Эрдэнэт үйлдвэр”-ийг Стандарт банкинд барьцаалж их хэмжээний зээл авсан гэх “Жаст” группийн захирал Ш.Батхүүг цагдан хориод гурван сарын хугацаа өнгөрч байна. Түүний хоригдох хугацаа энэ сарын 12-нд дууссан ч хорих хугацааг дахин 15 хоногоор сунгааад байсан юм. Гэвч түүний бие муудсан гэх шалтгаанаар өчигдөр батлан даалтад гаргаж, гадуур шалгахаар болжээ.
Түүний өмнөхөн Оюу толгойн гэрээтй холбоотой асуудлаар саатуулагдаад байсан ерөнхий сайд асан Ч.Сайханбилэг, С.Баяр нар мөн бие муудсан шалтгаанаар батлан даалтанд гараад байсан юм.
Ер нь ч төрийн өндөр албан тушаалтнууд хээл хахуультай холбоотой асуудлаар шүүхэд дуудагдаж, саатуулагдахдаа түүнээс мултрах гол арга нь “бие муудах” шалтгаан болж хувирсаар багагүй хугацааг үдэж буй. Тэр ёсоор энэ удаад Ш.Батхүү ч мөн бие нь муудаад амжжээ.
С.Шүрэнчимэг
