Хавар болохоор энд тэнд жагсаал, цуглаан болох нь ихэсдэг. Энэ жил сонгуулийн жил гэдэг утгаараа бараг өдөр алгасахгүй эрх баригчдыг эсэргүүцсэн жагсаал болох боллоо. Яг одоо Ялалтын талбайд Монголоо аврах хөдөлгөөний “Монголоо аваръя” жагсаал болж байна. Жагсагчид “Монголоо аврах хөдөлгөөн” гэсэн бичигтэй лоозон, алчуур хүзүүндээ зүүжээ.
Тэд өнгөрсөн сарын 30-нд төр засгийн удирдлагуудад дараах гурван асуултыг тавьж, хариултыг нэхсэн билээ. Тодруулбал, нэгдүгээрт Нэг монгол хүнд хэдэн төгрөгийн өр ногдож байна вэ, хоёрдугаарт, Монголчууд хэзээ нийтээрээ ажилтай болж, ядуурлаас гарах вэ, гуравдугаарт, Монголчууд хэзээ Монголдоо хүн шиг сайхан амьдрах вэ гэдгийг асуусан. Үүнийхээ хариултыг авахаар өнөөдөр ийн цугласан байна.
А.САЯН