Төрийн ордон "түргэн авчээ". АН-ын дарга бөгөөд Монгол улсын ерөнхий сайд асан, Алтан гадас фракцийн лидер, УИХ-ын гишүүн Н.Алтанхуягийн мэдэгдэл Төрийн ордныг хөдөлгөөнд оруулжээ. Намын дарга, нарийн бичгийн дарга нар, сайд нар яаралтай хуралдаан зарлалаа. Алтанхуяг, Элбэгдорж хоёрын тэмцэл нь тэрүүхэндээ дуусахгүй нь тодорхой. Маш их хортой үр дагаврыг авчрах нь тодорхой боллоо гэж ажиглагчид дүгнэж байна. Ялангуяа, хаяанд ирсэн 2016 оны УИХ, Орон нутгийн сонгууль, цаашлаад 2017 оны ерөнхийлөгчийн сонгуульд ямар нөлөө үзүүлж болохыг таахад тийм ч бэрх биш боллоо.
Мөн захиалгаар үйлчилдэг гэх, хууль хяналтын байгууллагын тодорхой албан тушаалтнуудыг ч энэ "түймэр" тойрохгүй гэдэг нь ойлгомжтой гэж судлаачид дүгнэж байна. Ямар ч гэсэн АН-ын удирдлагууд намын дарга З.Энхболдын өрөөнд хуралдлаа. Ямар шийдвэр гаргасныг удахгүй дуулгана.
Өнөөдөр З.Энхболд, Ч.Сайханбилэг, Ц.Элбэгдорж гурав хуралдаж санал бодлоо нэгтгэж, гарцаа тодорхойлох болно гэж судлаачид харж байна.
Тоймч. Д.ЭНХТҮВШИН