МАН-ын хүч тэнцжээ. УИХ-дахь 32:32 гэсэн харьцаа нийслэлдээ тэр хэмжээгээрээ тусгалаа олсныг тус намын Нийслэлийн 26-р бага чуулган илэрхийлэв. 333 төлөөлөгчийн 168 нь Сумьяабазар аваргыг үлдсэн 165 нь Су.Батболдын төлөө саналаа өглөө. Ийнхүү сонгуулийн үлдэж буй 2 жилд хот 3 толгойтой ажиллах шийдвэрийг төлөөлөгчид үүрийн 5 цагт гаргалаа. Хотын ИТХ-ыг Амарсайхан, Хотын захирагчаар Су.Батболд ажиллана. Харин тэднийг, тэргүүлэгчдийн хамт нийслэлийн намын дарга Д.Сумьяабазар удирдах болно. Хүсвэл Су.Батболдыг өөрчлөх, шинэ томилгоо хийх зэрэг нь Сумьяабазарын мэдэлд бүрэн шилжлээ. Шинэ сонголт Су.Батболдод гэхээсээ илүү М.Энхболдод давхар цохилт өглөө. Тэрбээр нам дотроо тулах гол тулгуураа ийнхүү алдсанаар, МАН доторх түүний байр суурь хүчтэй ганхаж эхэллээ.
М.Энхболдын хүч суларсаар л... Тэр жилийн өмнө намын жолоогоо алдсан бол өнөөдөр мориндоо дөрөөлөх дөрөө ч үгүй хоцорлоо.
Ц.ЭНХБАТ