Жижиг дунд үйлдвэрлэлийг дэмжих сангаас олгох санхүүжилтийг эрх мэдэлтнүүд хүртдэг тухай мэдээлэл ил боллоо. УИХ, Засгийн газрын гишүүд, тэднийг тойрсон албан тушаалтнууд жижиг дунд бизнес эрхлэгчийн нэрээр тэрбум тэрбумаар нь зээл авсан нь эхнээсээ тогтоогдсон. Энэ жагсаалтыг нарийвчилж гаргах, ард иргэдэд олгох ёстой зээлийг эрх мэдэлтнүүд булаасан үйлдлийг хуулийн байгууллагаар шалгуулан илчилнэ гэж АН-ын дарга С.Эрдэнэ мэдэгдлээ. Мөн энэ асуудалд Засгийн Газрын 4 гишүүн орооцолдсон байх магадлалтай тул, Засгийн газрыг огцруулах асуудал ч бас сөхөгдөнө гэж улс төрийн хүрээлэл үзэж байна.
Ц.ХИШГЭЭ
