Нэг зүйлийг ойлгох хэрэгтэй. Хуулинд нам бол Төрийн Бус Байгууллага гэж заасан байдаг. Ерөнхий сайд, эрх барьж буй намын дарга УИХ-тооцоо хийнэ, тараана гэж мэдэгдээд, жагсаал цуглаан зохион байгуулахыг дэмжиж буй нь зохисгүй үйлдэл. Ерөнхий сайд бол гадаад ертөнцөд Монголыг төлөөлдөг фигур. Нударгаар, хүчээр арга хэмжээ авдаг хүнтэй хэн яаж харьцах нь ойлгомжтой. Түүний хор холбогдол ч их. Тиймээс би У.Хүрэлсүхийн тэргүүлэх Засгийн Газрыг огцруулахад гарын үсэг зурсан. Зарчим баримталсан. Түүнээс биш сандал суудал харж, гарын үсэг зураагүй.
УИХ-ын, МАН-ын боловсролтой, дэвшилттэй гишүүний нэг ингэж мэдэгдэхэд хүрсэн нь асуудал ноцтой болсны шинж. Гадаад хэргийн сайд, Хууль зүйн сайдаар ажиллаж байсны хувьд учир начирыг түүнээс илүү гадарлах хүн энэ УИХ-д ховор. Сайд болохгүй гэж тэр хэлж байна. Гэхдээ л МАН-ын дараагийн дарга хэн бэ? гэдэгт яригдаж буй хүний нэг бол Ц.Мөнх-Оргил.
Н.САЙНБИЛЭГ