УИХ-ын дарга М.Энхболдыг огцортол УИХ-ын чуулганы үйл ажиллагаанд оролцохгүй гэдгээ Батзандан, Оюун-Эрдэнэ, Лу.Болд, Аюурзана нар зарлалаа.
-М.Энхболд бол МАНАН бүлэглэлийн сүүлчийн бөглөө гэж үзэж байна. М.Энхболд ашиг сонирхлын зөрчилтэй шийдвэр гаргаж байна. Энэ хүнээс болж Монголын Засгийн газар тогтворгүйтэж, Монголын төр гацаж байна. Энэ хүнээс болж УИХ тарах дээрээ хүрч байна. Тиймээс бид "бойкот" хийхэд хүрлээ гэж Оюун-Эрдэнэ гишүүн тодотголоо. УИХ-ын даргыг огцрохыг шаардсан 40 гаруй гарын гарын үсгээ зурж баталгаажулсан албан тоотыг УИХ-ын дарга М.Энхболдод гардууллаа.
-Засгийн газрыг огцруулна гэдэг бол АН-ын улс төрийн шийдвэр. УИХ-ын даргыг огцруулах шийдвэрийг хувь хүнийхээ хувьд бид гаргасан АН-аас УИХ-д сонгогдсон Лу.Болд тодотголоо.
Энэ өдрөөс эхлэн УИХ-ын даргыг үүрэгт ажлаасаа огцортол УИХ-ын 40 гаруй гишүүн чуулганы үйл ажиллагаанд оролцохоос татгалзсан байна.
Ц.ХИШГЭЭ