Ерөнхий сайд У.Хүрэлсүх энэ сарын 13-15-нд Япон улсад албан ёсны айлчлал хийхээр товлосон байна.
Хоёр орны харилцаа, хамтын ажиллагаа, эдийн засгийн чиглэлээр хэлэлцээрт гарын үсэг зурахаар төлөвлөжээ. Японы Засгийн газар 2018 оны эхний хагас жилд 34 сая ам.долларын туслалцаа үзүүлээд байгаа. Мөн хоёр орны Стратегийн түншлэлийг 2017-2021 онд хөгжүүлэх дунд хугацааны хөтөлбөрийн хүрээнд дан ганц уул уурхай бус хөдөө аж ахуй, аялал жуулчлал, мэдээлэл технологийн салбарын хүрээг тэлэхээс гадна монгол инженерүүдийг үе шаттай бэлтгэж эхэлсэн.
Айлчлалын үеэр Япон улсын засгийн газрын хөрөнгө оруулалтаар барьж байгаа Хөшигийн хөндийн олон улсын нисэх онгоцны буудлыг 2019 онд бүрэн ашиглалтад оруулах мөн визний асуудлуудаар тус тус хэлэлцэхээр одоогоор төлөвлөжээ.
