Улс төрийн намуудын рэйтинг, тэр дундаа МАН, АН-ын рэйтинг түүхэнд үзэгдээгүй хэмжээнд доошилсон. Бүх улс төрийн намын рэйтинг нийлээд нийлээд 30 хүрэхгүй хэмжээнд очсоныг удаа дараагийн судалгаа харуулж байгаа билээ. Дараагийн улс төрийн сонгууль эхлэхэд ердөө л 1 жил гарны хугацаа үлдсэн.
Шинэ нам, шинэ улс төрийн хүчин ирэх сонгуулиар Монголын төрд гарах магадлал өндөрссөн байна. Үүнтэй холбогдуулан улс төрийн намуудын удирдлагуудыг эрх баригч намын дарга, ерөнхий сайд У.Хүрэлсүх саяхан хүлээн авч уулзсан байна.
Тэр цаг үеийн асуудлыг хэлэлцэхийн зэрэгцээ; -МАН, АН-ын (эрх баригч намуудын) рэйтинг зогсолтгүй доошилж байна. Үүнд бусад намууд баярлах юм биш. Яагаад гэвэл, энэ бол улс төрийн намуудын хувь заяаны асуудал дээсэн дөрөөн дээр ирлээ гэсэн үг. Энэ бол манай ч, танай ч нам асуудалд орлоо гэсэн үг. Энэ бол миний санааг зовоож байна. Тэгэхээр тал талаасаа улс төрийн намын нэр хүндийг дээшлүүлэх ажлыг хийцгээе. Намаар дамжиж төрийн эрхийг барьж буй. Манай намыг сүйрүүлэх гэх оролдлого нь, та нарын намыг ч хамтад нь улс төрийн тавцангаас арчих хортой гэж тэрбээр улс төрийн намуудын удирдлагуудад хандаж хэлсэн байна.
О.НОМИН
