Н.НОМТОЙБАЯР У.ХҮРЭЛСҮХЭД АГСАМ ТАВЬЖЭЭ

2019-05-20  

Улс төрийн “тал таардаггүй” хоёр хүн МАН-д бий. Нэг нь Монгол Улсын Ерөнхий сайд, МАН-ын дарга У.Хүрэлсүх, нөгөөх нь УИХ-ын гишүүн, “МАК”-ийн гэгддэг Н.Номтойбаяр нар юм.

Тэд өмнө нь УИХ-ын чуулган дээр, хэвлэл мэдээллийнхний өмнө хэрэлдэж байсан удаатай. Ерөнхийдөө ил далд иймэрхүү хэрүүл уруул нь болж л байдаг гэж дуулддаг юм.

Тэгвэл 2019 оны тавдугаар сарын 17-ны баасан гаригт энэ хоёр хүн дахин “тулсан” байна.

Тэр орой УИХ дахь МАН-ын бүлэг, дараа нь МАН-ын Удирдах зөвлөл хуралдсан байдаг.

Хурлуудаар МАН-ын Хяналтын хорооноос УИХ-ын гишүүн Ш.Раднаасэд, Д.Дамба-Очир нартай холбогдуулж гаргасан шийдвэрийн талаар хэлэлцсэн юм. МАН-ын Хяналтын хорооноос тэдэнд МАН-аас таван жилийн хугацаанд улс төрийн дэмжлэг үзүүлэхгүй гэж зарласан. Харин УИХ дахь МАН-ын бүлэг ч, МАН-ын Удирдах зөвлөлийн гишүүд МАН-ын Хяналтын хорооны дүгнэлт, шийдвэрийг дэмжилгүй унагасан байна.

Харин үүний зэрэгцээ хоорондоо баахан эвдрэлцсэн явдал хурлууд дамжаад болжээ.

Эхлээд болсон УИХ дахь МАН-ын бүлгийн хурал дээр УИХ-ын гишүүн Н.Номтойбаяр халамцуу орж ирээд Ерөнхий сайд, МАН-ын дарга У.Хүрэлсүхэд “хэдэн үг” хэлснээр тэдний хооронд ширүүхэн хэрүүл болсон байна.

Энэ нь МАК-ийн нэртэй холбогдож байдаг Нарийнсухайт-Шивээхүрэн чиглэлийн төмөр замын асуудал УИХ-аар хэлэлцэж эхлэхтэй зэрэгцээд Засгийн газар буцаагаад татчихсан. Мөн “Төрийн өмчийг 2018-2020 онд хувьчлах үндсэн чиглэл батлах тухай” УИХ-ын тогтоолын төслийг тэр өдөр нь болсон Засгийн газрын хуралдаанаар эгүүлэн татахаар шийдсэнтэй холбоотой гэдгийг гишүүд ярьж байв. “Төрийн өмчийг 2018-2020 онд хувьчлах үндсэн чиглэл батлах тухай” УИХ-ын тогтоолын төсөлд Хөрөнгийн бирж, Төрийн банк зэрэг төрийн өмчтэй 23 аж ахуйн нэгжийг бүрэн хувьчлах, “Мэдээлэл холбооны сүлжээ”, “Хөдөө аж ахуйн бирж”, “Монгол шуудан”, “МИАТ” зэргийн төрийн өмчийн хувийг бууруулахаар оруулаад байжээ.

УИХ-ын гишүүн Н.Номтойбаяр, Ерөнхий сайд У.Хүрэлсүх нар энд бичээд баймааргүй үг хэрэглэн хэрэлдсэн байгаа юм. Юутай ч Ерөнхий сайд У.Хүрэлсүх Н.Номтойбаярын дайралтад “..Хуц” гэсэн үгээр хариу барьжээ.

Тэдний хэрүүл удааширвал юундаа ч хүрч мэдэхээр болсон тул Н.Номтойбаярыг Батлан хамгаалахын сайд Н.Энхболд хурал болж байсан танхимаас авч гарсан байна. Ингэснээр баасан гаригийн үдэш болсон хэрүүл өндөрлөжээ.

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Ard :Нам цохичихгүй хулгайчийг. Чадахгүй юм биш. 2019-07-18
Төстэй мэдээ
ХАВРЫН МОРИН УРАЛДААНЫГ СЭРГЭЭЖ, 14-ӨӨС ДЭЭШ НАСНЫ ХҮҮХДЭЭР МОРЬ УНУУЛАХ ХУУЛИЙН ТӨСЛИЙГ БАЙНГЫН ХОРОО ДЭМЖЛЭЭ
ШУУРХАЙ: ГУРВАН АЛБАН ТУШААЛТНЫ ЧӨЛӨӨЛӨГДӨХ ХҮСЭЛТИЙГ ЕРӨНХИЙ САЙД Н.УЧРАЛ ТАНИЛЦУУЛНА
Н.УЧРАЛ: ГАШУУНСУХАЙТЫН ГЭРЭЭНД ОЛОН УЛСЫН АУДИТ ХИЙЛГЭНЭ, МАН-ЫН САНХҮҮД Ч АУДИТ ОРУУЛНА
ЕРӨНХИЙЛӨГЧ У.ХҮРЭЛСҮХИЙГ ЧӨЛӨӨЛӨХИЙГ ТӨРИЙН БАЙГУУЛАЛТЫН БАЙНГЫН ХОРОО 77.8 ХУВИАР ДЭМЖЛЭЭ
УИХ 2027 ОНЫ ТӨСВИЙГ БАТАЛЛАА: ЗАРЛАГА 41.5 ИХ НАЯД ТӨГРӨГ
АТГ: ТУУЛЫН ХУРДНЫ ЗАМЫН 500 ТЭРБУМ ТӨГРӨГИЙН ХЭРЭГТ Х.НЯМБААТАР НАРЫН 6 ХҮНИЙГ ШАЛГАЖ БАЙНА
Х.НЯМБААТАР: ТӨМӨР ЗАМЫН ТЕНДЭРИЙГ НУУЦАД ОРУУЛЖ, 110 САЯ ДОЛЛАРЫН АВЛИГА ТАРААСАН
ЧИНГИС ХААНЫ ХӨРГИЙГ АРХИ, ТАМХИН ДЭЭР ТАВИХЫГ ХОРИГЛОХ ХУУЛЬ ГАРНА
АППЛИКЕЙШН ЗЭЭЛИЙН ХҮҮ 60 ХУВЬД ХҮРСЭН Ч СЗХ-НЫ ДАРГЫГ ЧӨЛӨӨЛСӨНГҮЙ: 94 ГИШҮҮНИЙ 54 НЬ ДЭМЖСЭНГҮЙ
«ЧӨЛӨӨЛЬЕ» САНААЧИЛГЫН ЦӨМ НЬ ТӨРИЙН ӨМЧИЙН РЕФОРМ: ТӨК-ИУДЫГ 2027–2030 ОНД ГУРВАН ҮЕ ШАТТАЙ ШИНЭЧИЛНЭ
Шинэ мэдээ
Санал асуулга
ГАДААД УЛСЫН АЖИЛЧИДАД ХЯЗГААР ТОГТООХГҮЙГ ТА ДЭМЖИЖ БАЙНА УУ?