"АРД ТҮМНИЙ -76" -ийн санал асуулгын дүн ийм дүгнэлт хийхэд хүргэж байна. Сар бүр нэрлэж буй "А" ,"Б" 76-д тэд хоёр сар дараалан багтсангүй. Ц.Нямдорж яагаад багтахгүй байна вэ? Хамгийн сайн яригч тэрбээр үргэлж шүүмжлэгчийн байр сууринд байдаг. Тэр нь иргэдэд таалагддаг. Гэтэл иргэдийн санах ой сэргэсэн нь түүнийг дэмжихгүй байх гол шалтгаан болж байгаа юм байна, Хууль хүчний байгууллага, шүүх, прокурорын үйл ажиллагаа " завхарсан" нь Хууль зүйн сайдаар сүүлийн 20 жил ажилласан, хууль тогтоогчоор тасралтгүй 24 жил ажилласан Ц.Нямдоржтой шууд холбоотой гэж иргэд үзэж байна. Мөн түүнтэй хамт Хан-Уул дүүргээс сонгогдсон Эрүүл мэндийн сайд Д.Сарангэрэл ч хууль тогтоох дээд байгууллага болон Засгийн газрын гишүүнээр дахин ажиллах ёс зүйн эрхгүй гэж эрүүл мэндийн салбарынхан дотроос дүгнэж, үе үе тэмцэл өрнүүлж буй. Тэмбүү, сүрьетэй орон гэж улс орноо зарласанд иргэд жихүүцэж байна.
Мөн энэ хоёр салбар уруудаж буй. Харин хуульч С.Нарангэрэл, япон судлаач Төмөрбаатар, ерөнхий сайд У.Хүрэлсүх, ХҮН -ын дарга Т.Доржханд, МҮАН-ын дарга Б.Цогтгэрэл нар шиг шулуун шударга, улс орноо гэх сэтгэлтэй, мэдлэг чадвартай хүмүүсийг хууль тогтоох дээд байгууллагад байр сууриа эзлээсэй гэж хүсжээ. Одоогийн УИХ-ын гишүүдээс Т.Аюуртсайхан, Ё.Баатарбилэг, Д.Бат-Эрдэнэ, З.Нарантуяа, Н.Оюундарь, Д.Хаянхярваа, ж.Эрдэнэбат, Оюун-Эрдэнэ, Элдэв-Очир, Ж.Батзандан, нарын ердөө л 10 гишүүнийг иргэд илүүгээр дэмжсэн нь ажиглагдана. Хуучнаас Х.Тэмүүжин, Д.Энхбат, Б.Жаргалсайхан, З.Энхболд, Р.Амаржаргал нарыг дахин хүсэмжилсэн хандлага мэдрэгдэнэ. Ийнхүү "А", "Б" 76 хоёр дахь удаагаа тодорлоо. Дараагийн удаад нийтлэхдээ " А-76" -д зөвхөн хууль тогтоох дээд байгууллагад оролцох хүмүүсийг, " Б-76"-д гүйцэтгэх засаглал, Хотын дарга, гол гол агентлагийг удирдах хүмүүсийг нэрлэе гэсэн санал дэвшүүлснийг " Түмний -76" үндэсний хөдөлгөөний зохион байгуулагчид дэмжсэнийг дурдая. Ингээд "Ард түмний 76" -д хэн хэн багтсаныг уншигч Та бүхэндээ хүргэе.
Зохион байгуулагчид