Өмнөговь аймгийн Номгон сумын иргэн нэн ховор, тоо толгой нь цөөрсөн цоохор ирвэсийг агнажээ. Тус хэрэгт эрүүгийн хэрэг үүсгэсэн учраас тодорхой мэдээлэл өгөх боломжгүй гэж аймгийн БОАЖГазраас мэдэгдлээ.
Тус сумын Эмгэнбулаг багийн малчин нүүдэллэж явсан ирвэсийг хотны нохойгоороо бариулж агнасан байна. Иймээс Улаан номонд бичигдсэн нэн ховор амьтныг агнасан тул эрүүгийн хэрэг үүсгэгдээд байгаа юм. Цоохор ирвэсийг агнасан тохиолдолд 13 сая хүртэлх төгрөгийн нөхөн төлбөр барагдуулах хуультай юм. Алтайн нуруу дагуу нутагладаг цоохор ирвэс нь нэн ховор амьтан бөгөөд зохих байгууллагуудын хамгаалалтад байдаг.
Х. АЯЛГУУ
