УИХ дахь МАН-ын бүлэг, АН-ын зөвлөл хуваарь ёсоор өнөөдөр /2019.11.25/ хуралдаж, энэ долоо хоногт чуулган, Байнгын хороодоор хэлэлцэх асуудалд байр сууриа нэгтгэдэг учиртай.Энэ долоо хоногт байнгын хороод болон чуулганаар Хоршооны тухай, “Хүүхдийн мөнгөн тэтгэмжийн талаар авах зарим арга хэмжээний тухай”, Гаалийн албан татварыг хөнгөлж, буцаан олгох тухай, Нэмэгдсэн өртгийн албан татвараас чөлөөлөх тухай, Онцгой албан татвараас чөлөөлөх тухай хуулийн төслийг хэлэлцхээр байсан.Гэвч, МАН, АН-ын аль аль хуралдахгүй юм байна. МАН-ын бүлгийн тухайд өнгөрөгч пүрэв гаригт хуралдсан бөгөөд одоогоор бүлгээр авч хэлэлцэх тодорхой асуудал байхгүй учраас хуралдаанд оролцохгүй гэсэн байна . Харин АН-нам УИХ-ын хуралдаанд ямар шалтгаанаар оролцохгүй гэсэн нь тодорхойгүй.
Т.Хуншагай
