УИХ-ын чуулганы нэгдсэн хуралдаанаар УИХ-ын сонгуулийн хуулийн төслийг хэлэлцэлцэж байна.
УИХ-ын гишүүн Ж.Батзандан: Сэтгэцийн өөрчлөлтэй хүнийг сонгуульд оруулахгүй байх заалт орж ирж байгаа юм байна. Хэдэн жилийн өмнө Н.Энхбаярыг сэтгэцийн өөрчлөлтэй гэж үзэж байсан. Эрх баригч МАН хүсвэл хэнийг ч сэтгэцийн өөрчлөлтэй болгож болох юм байна гэж харагдаж байна.
СЕХ-ны нарийн бичгийн дарга Ц.Болдсайхан: “Сэтгэцийн эрүүл мэндийн асуудлыг Засгийн газраас оруулсан. Нэр дэвшигч Сэтгэцийн эрүүл мэндийн үндэсний төвөөс сэтгэцийн эрүүл мэндийн тодорхойлолтоо хавсаргана” гэж нэмж тайлбарлав.
УИХ-ын гишүүн М.Билэгт: Нэр дэвшигчдийн 20 хүртэл хувь нь эмэгтэйчүүд байна гэж заасан байна. 30-аас доошгүй хувьд нь эмэгтэйчүүдийг нэр дэвшүүлэх ёстой гэж болож байна. Яагаад гэвэл Монгол Улсын хүн амын 51 хувийг эмэгтэйчүүд эзэлж байгаа.
УИХ-ын гишүүн Л.Элдэв-Очир: Сонгогчдыг бөөнөөр нь хоморголон шилжин суурьшилт хийлгэдгийг хуулиараа хатуу хориглох хэрэгтэй. Хориглоогүй болохоор зөвшөөрч байгаа хэрэг. Энэ хуулинд сонгогчдын шилжилт хөдөлгөөнийг хориглох заалт тусгаж болох уу?
СЕХ-ны дарга Ч.Содномцэрэн: Сонгуулийн хуулийг зөрчсөн тохиолдолд Зөрчлийн хуулиар шийтгэх заалт оруулна. Төрийн албан хаагч хууль зөрчвөл дахин төрийн албанд орохыг нь хориглосон хуулийн заалт байдаг.
СЕХ-ны нарийн бичгийн дарга Ц.Болдсайхан: “Сэтгэцийн эрүүл мэндийн асуудлыг Засгийн газраас оруулсан. Нэр дэвшигч Сэтгэцийн эрүүл мэндийн үндэсний төвөөс сэтгэцийн эрүүл мэндийн тодорхойлолтоо хавсаргана” гэж нэмж тайлбарлав.
Чуулганы хуралдаан үргэлжилж байна.
Т.Хуншагай
