Өчигдрийн УИХ-ын чуулганы хуралдаанаар сонгуулийн тухай хуулийг хэлэлцэн, эцсийн хэлэлцүүлэгт шилжсэн билээ. МУ-ын Их хурлын гишүүн С.Жавхлан өөрийн бүрэн эрхийнхээ хүрээнд санаачилсан, "Монгол Улсын Их Хурлын тухай хуульд нэмэлт өөрчлөлт оруулах тухай" хуулийн төслөөс "Гэмт хэрэгт холбогдсон болон шалгагдаж байгаа хүнийг нэр дэвшүүлэхгүй" гэсэн заалт дэмжигдсэн. Харин энэ талаар С.Жавхлан гишүүнээс тодруулахад "Санаачилсан хуулийн минь нэг заалт, нэг өгүүлбэр л орж байна. Гэмт хэрэгт холбогдоод шалгагдаж байгаа хүмүүсийг сонгуульд нэр дэвшүүлэхгүй байх заалт байсан юм. Үүнд би сэтгэл хангалуун байгаа. Гэсэн ч зарим зарчмын зөрүүлтэй саналыг хүлээж авсангүй. Уг нь би Үндсэн хуулийн ажлын хэсэгт орж ажиллах санал тавьсан юм. Даанч хариулт өгөөгүй, таг чиг л байна даа" хэмээн байр сууриа илэрхийлсэн ажээ.
О.Гоо-Оюун