"Яллагдагчаар намайг татсан албан тоотыг би хүлээн аваагүй. Түүнийгээ ирүүлээсэй билээ." АТГ-ынхныг Номтойбаяр ийнхүү тохуурхлаа. -АТГ, Прокурор ичихгүй бол бичгээ оруулаад ирэг. Ер нь , АТГ над дээр хэрхэн ажиллаж байгаад дүгнэлт хиймээр байна. Энэ асуудлыг УИХ дээр ч нээлттэй хэлэлцэх ёстой. Нууж, хаах юу байгаа юм бэ? Надад л лав нуух зүйл байхгүй. Бүх зүйл хууль номын дагуу хийгдсэн. Засгийн газрын ч тогтоолтой. АТГ Засгийн газрын энэ хуралдаан болсон эсэхийг ч шалгаж тогтоож чадахгүй байна гэдэг эмгэнэл. 3.9 тэрбум төгрөг нь эргэн төлөгдсѳн эсэхийг ч тогтоож болох шүү дээ. Наад захын шалгах ажиллагаа хийлгүйгээр яллагдагчаар шууд татна гэдгийг ойлгохгүй байна. Шүүхээс ѳмнѳ УИХ дээр нэг бүрчлэн ярья гэж Номтойбаяр зүтгэж эхэллээ. Тэр түгшиж эхэлжээ. АТГ-ыг УИХ-аар сүрдүүлэхээр, УИХ-аар бамбай барихаар тэр шийджээ.
О.Гоо-Оюун