Монгол Улс зах зээлийн харилцаанд шилжсэн хэдий ч социалист нийгмийн үеийн тэтгэврийн тогтолцоогоо хадгалсан хэвээр. Хүнийг урамшуулдаггүй, хийснийг нь үнэлдэггүй, ямар ч мерит системгүй, зѳвхѳн бүгдэд нь адил тэгш хуваарилдаг тогтолцоо оршин тогтнож байна. Үүн шиг хоцрогдсон тогтолцоотой улс орон дэлхийд байхгүй. Ѳндѳр хѳгжил бүхий орны иргэд тэтгэвэрт гарахдаа яг хэдэн төгрөгийн тэтгэвэр авахаа мэддэг бол монголчууд бид тѳсѳѳлѳлгүй явж байна. Энэ нь улс тѳрчдийн популист нүүдэл, шийдвэрээс хамаарах болсон. Тэтгэврийн сан 600 тэрбум төгрөгийн алдагдалтай байгаа нь ч улс тѳрчдийн тарьж буй балаг.
Амьдрал дээр, монголчууд цалингийнхаа 24 хувийг нийгмийн даатгалын шимтгэлд /НДШ/ төлдөг. Үүний 17 хувь нь тэтгэврийн санд хуваарилагддаг. Хѳдѳлмѳрийн насныхан хѳдѳлмѳрлѳѳд л, татвараа ингэж ѳндѳр хувиар тѳлж байхад л тэтгэврийн сан нь алдагдалтай байна гэдэг гажуудал. Цаашид Монгол Улсын хүн ам хөгширнө. Хѳдѳлмѳрийн насны хүн амын тоо цөөрнө. Хүн амынх нь ихэнх нь залуучууд байгаа өнөө цагт тэтгэврийн сан нь алдагдалтай байхад хөгширчихвөл цаашид энэ сан яах болж байна. Тиймээс бодитой шинэчлэл хийх цаг болсон.
Тэтгэврийн сангаас 200 гаруй тэрбум төгрөг хааччихсан нь мэдэгдэхгүй алга болчихсон. Үүний учрыг олох хэрэгтэй. Эрх баригчид, сонгуулиас сонгуулийн хооронд поп амлалт өгч байгаа нь энэ буй болсон баялгийг үрэн таран хийж байна гэж үзэж болно. УИХ-аас 1995-2019 он хооронд нийгмийн даатгалын шимтгэл төлөөгүй хүмүүст өршөөл үзүүлж, нэг удаа нөхөн төлөх шийдвэр гарлаа. Өөрөөр хэлбэл, иргэн 25 жил НДШ төлөөгүй явж байгаад, нэг удаа 5 сая төгрөг төлөөд насаараа тэтгэвэр авна гэсэн үг. Энэ шударга шийдвэр мѳн үү?!
Сар бүр 340 мянган төгрөг тэр хүн гар дээрээ авахад л нѳгѳѳ тѳлсѳн 5 сая тѳгрѳгѳѳ нэг жилийн дотор нѳхѳѳд авчихна. Гэтэл 25 жил шударгаар ажил хөдөлмөр эрхлээд, НДШ төлсөн бусад нь хохироод үлдэж байна.
Энэ бүгд шударга бус үйлдэл юм .
Ингэж Монголын Үнэт Цаас Холбооны Удирдах Зѳвлѳлийн дарга, Тэтгэврийг шинэчлэх хѳдѳлгѳѳнийг санаачлагч Ѳлзийбаяр байр сууриа илэрхийллээ.
О.Гоо-Оюун