Бодсидва гэдэг нь бодын буюу бурхны хутгийг олон гэгээрлийг хүсэгч гэсэн үг юм. Энэ сайн галавын дөрөв дэхь бурхан болох Гоутам бурхан тооцоолошгүй дөрөв болон зуун мянган галавын өмнө Сумедха нэртэй самадхигийн найм дахь шатанд хүрсэн даяанч арш байх үедээ, тэр үед хорвоод заларч байсан Дивангар Бурхантай уулзаад түүгээр Випашнаяа бясалгал заалгавал тэрхэн хоромд, тэр л суудал дээрээ Архад болон гэгээрэх байсан ч ингэснээр зөвхөн би л гэгээрэх юм байна.
Гэтэл энэ Дивангар бурхан өөрөө гэгээрхээс гадна ийм олон сая сая тэнгэр хүмүүнийг гэгээрэлд хөтлөж байна. Тэгэхээр би өөрийн гэгээрлийг орхиж энэ бурхан шиг олон сая сая амьтдыг гэгээрэлд хөтлөх чадвар бүхий бурхан больё гэх чин сэтгэл үүссэнийг мэдээд Дивангар бурхан : Чи тооцоолошгүй дөрөв болон зуун мянган галавын дараа Замбуутивд Гоутам нэртэй бурхан болон гэгээрнэ гэдгийг иш үзүүлснээр даяанч Сүмедха Бодсидва бурхны хутгийг олохийг хүсэгч болжээ. Тэгэхээр хүссэн бүхэн Бодсидва болж чадахгүй бөгөөд Бодсидва болохын тулд
1. Тухайн хүн олон галавд буян парамигаа хөгжүүлж Архад болох дарами төгс байх ёстой
2. Найм дахь самадыг төгс эзэмшсэн байх ёстой
3. Бурхантай уулзаж түүн шиг болох Бодсидва болох чанд хүсэл үүсэн байх ёстой
4. Үүнийг нь үндэслэн ирээдүйд хэзээ хэн гэдэг нэртэй Бурхан болон гэгээрхийг Бурхан батлан харж иш үзүүлсэн байх ёстой гэсэн нөхцлүүд бүрдэж байж тухайн хүн Бодсидва хэмээгддэг ажгуу.
Л.ГАНТУЯА
