Бурхан сургааль номоо айлдаж, түүнтэй уулзах хүний тоо өдөр ирэх бүр нэмэгдэх болсон тул Бурханд байнгын шадар туслагч хэрэгтэй болж хуваргуудад энэ тухай өгүүлсэнд хүн бүр л туслах нь болохыг хүсэж байлаа. Гэвч Бурхан өөрийн үеэл Анандыг болгохыг хүсэн түүнд хандан саналыг нь асуусанд Бурханд найман төрлийн болзол тавиад та энэ болзлуудыг зөвшөөрвөл би туслах тань болъё гэжээ. Түүхэнд Бурханд болзол тавьсан хүн түүнээс өөр байсангүй. тэдгээр болзлуудын эхний хоёр болзол нь:
1. Та хаашаа ч явсан заавал дагуулж явах
2. Хэрэв дагуулж явах боломжгүй бол ганцаар явбаас тэнд одон хэнд юу гэж айлдсанаа үг нэг бүрчлэн надад эргэж ирэхдээ дахин айлдаж бай хэмээжээ.
Ийнхүү энэ тавьсан болзлыг нь Бурхан зөвшөөрсний ачаар тэрээр Бурханы айлдсан сургууль нэг бүрийг сонсож цээжлэн авч үлдэн хожим түүнээс бусад олон хуваргууд сонсож цээжилснээр өнө бидэнд Типитака буюу Ганжуур нэрээр үлдсэн билээ. Ананд ой тогтоомж сайтай байсан бөгөөд Бурханы айлдсан бүхнийг өнөө үеийн рекординг машин шиг тогтоодог байснаас гадна хойч үед Ганжуур, түүгээр дамжин ертөнцнөө үлдэхийг Бурхан мэдэж түүнийг шадар туслахаар сонгожээ. Ийнхүү одоо бидний уншиж буй Ганжуур Анандын ачаар бүрнээр үлдсэн юм.
CONTROL.MN
