Гэгээрэл гэдэг нь хүн энэ хорвоод тооцоолшгүй олон төрөл авч явах үедээ хуримтлуулсан бүх үйлийн үрээ төгс устгаж дуусах үеийг хэлдэг билээ...
Төгс гэгээрлийн шатанд хүрэх үед тухайн хүн үйлийн үр төгс дуусахыг мэднэ, дахин төрөл авахгүй болсноо мэднэ, эдлэх үйлийн үр нэгэнт байхгүй болсон тул яаж ч дахин төрөл авах билээ дээ, мөн урьдын тооцоолшгүй олон төрлүүдээ эргэн бүгдийг харах чадвартай болдог билээ...
Гэвч сүүлийн үед өөрснийгөө төгс гэгээрэлд хүрсэн гэж ярих хүн олон болжээ...Ихэнх нь өөрсний хийдэг тодорхой нэгэн бясалгалын энгийн хэн ч хүрч болох шатуудад хүрснээ тийн андуурах нь бий...Мөн Самадхи буюу сэтгэлийн гүн төвлөрлийн шатанд хүрэх үед тэр үед мэдрэгдэх мэдрэмжийг гэгээрэл хэмээн андуурна...Төгс гэгээрэлд хүрэх үед биеэнд мэдрэмж үүсэхээ байдаг...Мэдрэхүйн 6 эрхтэн ажиллахаа байдаг...Иймээс чи мэдрэмж мэдэрч байгаа, 6 эрхтэн тань ажиллаж байгаа бол та төгс гэгээрэлд хүрээгүй байгаа гэдгээ анхаараарай...Мөн төгс гэгээрлийн шатанд хүрэх үед энэ нь мэдрэхүйн 6 эрхтний чанад дахь шат учраас тэнд хүрч гэгээрэлд хүрсэн хүн тэр гэгээрлийн шатанд юу мэдэрснээ үгээр хэлж илэрхийлэх аргагүй байдаг учир тэр талаар юу ч ярьдаггүй..Харин би төгс гэгээрэлд хүрсэн гэж хэн нэгэн ярьж байгаа бол худлаа гэдгийг ойлгоорой...Би гэдэг ойлголт огт байхгүй шатыг би гэгээрлээ гэж ярих нь буруу, гэгээрээгүйг илтгэнэ.
CONTROL.MN
