.JPG)
Гадныханд газар нутгаа худалдсан гишүүдийн бүлэглэл Ноён уулыг түүх соёл баялаг, байгаль экологитой нь гадныханд худалдчихлаа.
Тэдний шуналын дүрэлзсэн галыг унтраах боломжуудын нэг нь Ерөнхийлөгчийн хориг, хууль шүүх гээд бас байнаа. Тийм ч амархан алдахгүйн төлөө чаддаг чаддагаараа тэмцэх хэрэгтэй.
Ерөнхийлөгчийн хориг нь парламентаас баталсан нийтийн эрх ашиг, сонирхолд хохирол учруулахуйц, нийгмийн зөрчилт байдлыг өөгшүүлсэн хуумгай хуулийг сайтар шалгах нөхцлийг бидэнд олгодог зохисгүй хууль батлагдахаас урьдчилан сэргийлэх нэмэлт хамгаалалт юм.
Иймд Ноён уулаа ухуулахгүй гээд байсан Монгол улсын Ерөнхийлөгч Ц.Элбэгдоржид хандаж Гацууртын орд, Ноён уулын асуудлаар хориг тавих талаарх үндэслэл бүхий бичиж бэлтгэсэн (З.Энхболд тэргүүтэй дийлэнх олон кноп дарах нь тодорхой байсан тул) саналаа ямар ч байсан Ерөнхийлөгчийн тамгын газарт 2-р сарын 4-нд явууллаа.
УИХ баталсан тогтоолоо 24 цагийн дотор Ерөнхийлөгчийн тамгын газарт илгээн Ерөнхийлөгч 5 хоногт багтаан хориг тавина. Тэгэхээр цагаан сарын тохиолдуулан баталсан нь бас л нэг заль. Ноднингийн цагаан сарын битүүнд Гацууртын ордыг урт нэртэй хуулиас сугалан стратегийн ордод хамруулсан.
УИХ-аас баталсан хууль, тогтоолд Ерөнхийлөгчийн тавьсан хоригийг чуулганы нийт гишүүдийн 2/3 нь хүлээн аваагүй бол уг хууль шийдвэр хүчин төгөлдөр үлддэг.
Зарим нэг хүн (нэрийг нь одоохондоо дурьдсангүй) намайг миний ажил, манай Ноён уулыг өмчлөн шоу хийлээ гэж загнаж бас хараасан тул тэмцлийг өөрийн арга барилаараа хийнэ. Дэмжих нь дэмжээд яваарай.
"Сентерра гоулд Монгол" ХХК болон газар нутгаа худалдсан шийдвэрүүдийг хүчин төгөлдөр бусад тооцуулах шүүхийн ажиллагаан дээр дэмжээд нэгдээрэй
Ц. ТУЯАЦЭЦЭГ
