Арав гаруй жил шоронд хоригдоод дөнгөж жил гаруйн өмнө эрх чөлөөтэй болсон Ходорковскийд дахин нэгэн ял тулгажээ. Энэ тухай Оросын Мөрдөн Байцаах Хорооны албан ёсны төлөөлөгч Владимир Маркин мэдэгдлээ. Нефтийн ЮКОС компанийн ерөнхийлөгч асан Ходорковскийг Нефтьюганск хотын захирагч Владимир Петуховын амь насанд хүрсэн гэж үзэж байгаа юм байна. Петухов 1998 онд амь насаа алдсан. Ходорковскийг энэ хэргээр ял асуун Орос даяар эрэн сурвалжилж эхэлсэн бөгөөд саяхан Интерполын Орос дахь салбараас Францын Лион хотод байрлах төв рүүгээ хандсан албан тоот илгээсэн тухайгаа мэдээллээ. Лион дахь төв штаб ирсэн материалыг судалж үзээд Интерполоор эрэн сурвалжлах хүмүүсийн жагсаалтад Ходорковскийг оруулах ёстой гэж Оросын тал хүлээж байна.
ТОЙМЧ Д.ГАНТУЛГА