“EM Taipei“ тэмцээнийг аваргалсан MongolZ багийнхан энэ долоо хоногийн сүүлээр АНУ-д эхлэх “MLG Columbus” тэмцээнд оролцох эрхийн эзэд болсон юм. Монгол улсаа төлөөлөн цахим спортын тэмцээнд амжилт гаргаж, Ази тивийн аварга болсон тэдэнд Монгол дахь АНУ-ын элчин сайдын яамнаас хоёр ч удаагаа татгалзсан хариу өгчээ. Татгалзсан хариунд :
“Цагаачлалын бус виз мэдүүлсэн хэдий ч нийтлэг тавигддаг үндсэн шалгуур болох эх орондоо зайлшгүй буцаж ирэх шалтгаантай гэдгээ баталж чадаагүй“ гэх үндэслэлээр татгалзсан хариу өгсөн байна. MongolZ багийнхан АНУ-д болох “MLG Columbus” тэмцээнд оролцохоос гадна Польш улсад зохиогдох тэмцээнд оролцохоор төлөвлөсөн байжээ. Ази тивээ төлөөлөн оролцож байгаа тэдэнд визний асуудал тулгараад байгаа ажээ.
Т. ОТГОНЖАРГАЛ
