Амьтны тухай хуульд заасны дагуу жил бүрийн дөрөвдүгээр сарын 1-ээс зургадугаар сарын 15-ы өдрийг хүртэл загас барихыг хориглосон байдаг билээ.
Энэ үеэр загасны үржлийн оргил үе байдаг бөгөөд хоёр сарын хугацаанд загас нь 20 дахин үрждэг юм байна.
Манай оронд 11 овгийн 36 төрөл, 70 гаруй зүйлсийн загас бий. Эдгээрийн 30-аад нь агнуурын загас бөгөөд Хойд мөсөн далай, Номхон далай болон Төв Азийн гадагш урсгалгүй гол, нуурын ай саваар тархсан байдаг.
2016 онд манай оронд 10 мянга гаруй загасыг ахуйн зориулалтаар агнасан байна.
Иймээс хуульд заасан хугацааг дуустал загас агнахгүй, зарахгүй байхыг Дэлхийн байгаль хамгаалах сан /WWF/-ийн Монгол дахь салбараас уриаллаа.