Данийн олон улсын хөгжлийн агентлагийн санхүүжилтээр Монголд чөлөөт, хараат бус хэвлэлийг хөгжүүлэх зорилгоор бий болсон ДАНИДА хэвлэх үйлдвэр 20 нас хүрчээ. Ил товчоо, Хөх толбо, Сэрүүлэг, Ардчилал зэрэг олон сониныг эдийн засгийн хувьд бэхжиж, хөл дээр босгосон түүхтэй үйлдвэр өнөөдөр ч үр ашигтай ажилладаг. " Хүн болгон асуудаг. Энэ хэний өмч вэ ? гэж. Шилжилтийн үед өөртөө шилжүүлэх хандлага ч зарим улс төрчдийн зүгээс анзаарагдсан. Би ганцхан хариулт хэлдэг. Энэ бол хэн нэгний өмч биш, харин Монголчуудын өмч " ингэж тус төслийн удирдагч, Данийн сэтгүүл зүйн сургуулийн гадаад харилцааны хэлтсийн дарга Ёрген Рийнгаард хэллээ. Хүлээн авалтад анхны ерөнхийлөгчөөс гадна, хэвлэл мэдээллийнхэн байлаа.
Ц. ЭНХМЭНД