"Монголчууд гоё ганган хувцаслах дуртай. Гэр орондоо цэвэр сайхан амьдардаг" гэж монгол айлд зочилсон гаднынхан хэлдэг. "Гэрээс гарахаар танихгүй орчинд ордог. Орц, гудамж талбайдаа хогоо хаяж, булан тохойд "хөнгөрч", явган хүний цардмал зам, шат, орцондоо шүлс цэрээ эрээгүй хаядаг сонин хүмүүс" гэж ч дүгнэдэг. Тэгвэл эрүүл ахуйн хуулиар гудамж талбайд шүлсээ хаявал 5000-100000 төгрөгөөр торгох шийдвэр өнөөдрөөс эхэлж хэрэгжиж эхэллээ. Хуулиа мөрдөцгөөе, мөрддөггүйг нь мөрдүүлцгээе. Торгох эрхгүй бол зурагжуулаад илгээгээрэй. Олон нийтэд жигштэл нь тавьцгаая. Одоо бас нэг зүйлийг нэмчихвэл, амьдрах орчин эрүүлжинэ. Дураараа хог хаяхын эсрэг тэмцэцгээе.
Ц. ЖАРГАЛ