Одоогийн байдлаар долоон аймгийн 20 суманд байгалийн онц үзэгдэл болж байна. Тодруулбал, Архангай аймгийн Хашаат сум, Баян-Өлгий аймгийн Буянт, Бугат сум, Говь-Алтай аймгийн Есөнбулаг сум, Говьсүмбэр аймгийн Сүмбэр сум, Завхан аймгийн Асгат, Баянхайрхан, Дөрвөлжин, Завханмандал, Нөмрөг, Отгон, Сонгино, Түдэвтэй, Тэлмэн, Тэс, Улиастай, Шилүүстэй, Эрдэнэхайрхан сум, Өмнөговь аймгийн Сэврэй сум, Увс аймгийн Давст сумдад цас ихээр унаж, цасан шуургатай байна.
Цасан шуурганы үеэр сураггүй болсон 83 иргэнээс 53 иргэнийг эсэн мэнд олж, 30 иргэнийг эрэн хайх ажил үргэлжилж байгаа талаар ОБЕГ-аас мэдээллээ. Улаанбаатарын хувьд одоогоор 22-ын товчоонд замын нөхцөл хүнд, үзэгдэх орчин хязгаарлагдмал байгаа бөгөөд хотоос гарах хөдөлгөөн нээгдээгүй хэвээр байна.
А.ТҮВШИН