Өнгөрөгч шуурганаар Монголын "Ланд круйзер, Hilux, Prado, 4 runer, Nissan Patrol Y60, Mitsubushi Pajero" клубүүдын залуус 47 автомашин 102 хүний бүрэлдэхүүнтэйгээр аврах баг болон ажиллаж, цасанд боогдсон 98 машинтай 244 иргэнийг аварчээ. Тэд ОБЕГ-аас ирсэн мэдээллийн дагуу зуслангийн чиглэл болон Төв аймаг, Дархан, Эрдэнэтийн чиглэлд гарсан яаралтай тусламжинд явсан байна.
Мөн цасан шуурганы улмаас хөдөө орон нутгийн зам дагуух зочид буудлууд ачаалалаа дийлэхгүй, хүндхэн нөхцөл байдал үүсчээ. Зарим газрууд хүлээлгийн өрөө болон караокеныхоо өрөөг түрээслэхэд хүрсэн байна. Энэ үеэр нэг ортой өрөө 80 мянга болж өсчээ.
А.ТҮВШИН