“Ёохор-2017” ардын урлагийн наадам долдугаар сарын 17-нд болно. Хэнтий аймгийн Батширээт суманд энэ сарын 17-ны өдөр гурав дахь жилдээ болох гэж байна.
Зорилго нь Буриад Монголчуудын уламжлалт ардын тойрон бүжиг ёохорыг судалж нийтэд сурталчлах, уламжлан өвлүүлэх, хөгжүүлэх ажлыг орон нутгийн соёл урлаг, боловсролын байгууллага, уран бүтээлч, ардын авьяастнуудын дунд өрнүүлэн дэлгэрүүлэх. Мөн улсынхаа болон олон улсын түвшинд ёохор бүжгийн эзлэх байр суурийг бэхжүүлэхэд оршиж байгаа юм.
Мөн энэ онд Батширээт сум байгуулагдсаны 65 жилийн ойн баяр наадам долоодугаар сарын 14-16-ны өдрүүдэд болох бөгөөд үргэлжлэн 17-ны өдөр "Ёохор-2017" ардын урлагийн наадмын үйл ажиллагаа явагдах тул дотоод гадаадын аялагчдыг өргөнөөр оролцохыг уриалжээ.
А.ЦЭРЭНДУЛАМ
