“ЭНХТАЙВАН, НАЙРАМДАЛ, ЗАЛУУ ЭЛЧ” ХҮҮХДИЙН АЯЛЛЫН НЭЭЛТ БОЛЛОО

2017-07-24  

Монгол Улсын нийслэл Улаанбаатар хотод энэ амралтын өдрүүдэд “Монгол-Хятадын аялал жуулчлалын өдөрлөг” арга хэмжээ зохион байгуулагдаж байна. Өдөрлөгийн хүрээнд өнөөдөр “Энхтайван, найрамдал, залуу элч” хүүхдийн аяллын нээлтийн арга хэмжээ боллоо. Арга хэмжээг нээж нийслэлийн Засаг даргын Ногоон хөгжил, агаарын бохирдлын асуудлыг хариуцсан орлогч Ж.Батбаясгалан, БНХАУ-ын ӨМӨЗО-ны Аялал жуулчлалын хөгжлийн хорооны орлогч дарга Zheng Jia ning нар үг хэлэв. Нийслэлийн Засаг даргын Ногоон хөгжил, агаарын бохирдлын асуудлыг хариуцсан орлогч Ж.Батбаясгалан “Өнөөдрийн арга хэмжээ нь “Монгол-Хятадын аялал жуулчлалын өдөрлөг”-ийн бас нэгэн онцлох үйл ажиллагааны нэг. Энхтайван найрамдлын элч хүүхдүүдийг хамарсан томоохон арга хэмжээ болж байна. Залуу хойч үе бол ирээдүйд улс орны хооронд хамгийн чухал холбоог  үүсгэх, ирээдүйн эзэд. Энэ утгаараа Монголын ард түмэн, нүүдэлчдийн өв соёлыг олон улсад таньж мэдүүлэх нь маш чухал. Тиймээс Монгол Улсад аялаж буй БНХАУ-ын ӨМӨЗО-ы бяцхан үрсэд Улаанбаатарчуудын өмнөөс талархсанаа илэрхийлье. Мөн аялалд нь амжилт хүсье” хэмээлээ.

Аяллын хүрээнд Хятадаас 90 хүүхэд, 10 багшийн хамт манай улсад ирсэн байна. Өнгөрсөн зургаадугаар сард манайхаас 100 орчим хүүхэд Хятад улсын соёлтой танилцсан байна. Цайны замын аялал жуулчлалын хүрээнд Монголын талаас 5, Хятадын талаас 3 дахь жилдээ хүүхэд солилцон аялуулж байгаа аж гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ИРЭХ СОНГУУЛЬД ТА АЛЬ НАМД САНАЛАА ӨГӨХ ВЭ?