Улсын хэмжээнд ой хээрийн түймэр ихээр гарч, онц айдал зарлахад хүрээд байгаа энэ цаг үед хүн үр өөрийн чадах чинээгээрээ оролцож хандив мөнгө цуглуулаад байна. Хурд хамтлагийн санаачилгаар Монголын рок попын шилдэг уран бүтээлчид хамтран Онцгой байдлын газар болон алба хаагчдадаа зориулж наймдугаар сарын 5-ны өдөр Төв цэнгэлдэх хүрээлэнд хандивын тоглолт хийх гэж байна.
Эх орон, байгаль дэлхийнхээ төлөө сэтгэлээ чилээж, гал түймэртэй тэмцэхэд өөрсдийн сэтгэлийн хандиваа өргөхийг хүсч байгаа 40.000 хүнд зориулан тасалбарыг 10.000 төгрөгөөр борлуулах ба тоглолтын орлогоор цугласан бүх мөнгийг Онцгой байдлын газар онгоц худалдан авахад зориулах юм байна.
А.ЦЭРЭНДУЛАМ