МАН-ын хоёрдугаар ээлж МАН-тайгаа, харин Монголын сонгогч түмэн 2020 онд МАН-тай НЭГМӨСӨН ТООЦОО БОДНО. Ийм нэгэн нам, ийм хэдэн гишүүнийг сонгожээ. Өөрсдийн намаасаа бүрдүүлсэн Засгаа ч тогтвортой ажиллуулах хүсэл эрмэлзэл алга. Ард түмний нэр барьсан хэдэн хүн. Томилгоонд оролцож чадаагүй, хувь хишиг бага хүртсэн нь "хусмаа чамлахад" хүргэсэн гэж олон нийт дүгнэж байна. Улс орны хөгжлийг түргэсгэж, ард иргэдийнхээ амьдрал ахуйг дээшлүүлнэ гэж байснаа ч умартжээ. Албан тушаал, эрх мэдлийн төлөө "хөлөө жийлцэж" эхэлсэн нь ил тод боллоо.
"Чоно борооноор" гэдэг шиг л үйл явдал Монголын улс төрд өрнөж байгааг ажиглаж цөхөх юмгүй. Эрх мэдлээс гадуурхагдсан бүлэг өөрсдийгөө мэдрүүлэхийг хүссэн оролдлого ч гэж үзэж болох. МАН-ын ирээдүй бүдгэрчээ. 2012 оны сонгуулийн өмнө нэрээ сольсноос болж хэсэг гишүүд, дэмжигчдээ алдсан бол, одоо дахин хуваагдах дээрээ тулжээ. Хоёрдугаар ээлж хоолонд орохоор "зэхсэн" байна. Ард түмний амьдралыг доройтуулсан Засагтайгаа тооцоо хийнэ гэж ард иргэдийн нэрийг барьж "давшилж" байна.
Харин Монголын ард иргэд, сонгогчид 2020 онд МАН-тай " НЭГ МӨСӨН ТООЦОО ХИЙНЭ" гэдгийг тэд мартжээ.
Ц.ХИШГЭЭ