Р.АМАРЖАРГАЛ : ЭНЭ БОЛ ЭРХ БАРИГЧДЫН Л ШИЙДЭХ АСУУДАЛ
Энэ Засгийн Газар бол нэг их гайхалтай Засгийн Газар бус. Өмнөхөөс мундаг гэж хэлж чадахгүй. Гэхдээ газар дор ортол муулах Засгийн Газар биш. Огцруулах эсэх нь эрх баригчдын л шийдэх асуудал. Энэ нь ямар үр дагавартай, юунд хүргэдэг гэдгийг МАН-ынхан мэддэг гэж бодож байна.
Өдрийн сонинд өгсөн ярилцлагаас...
Ш.ГУНГААДОРЖ : МУУ ЁРЫН ЮМ ЯРЬМААРГҮЙ БАЙНА
Би бол Засгаа огцруулахгүй байгаасай гэж бодож байна. Гэхдээ байдлыг хараад байхад огцруулах асуудал зайлшгүй гарчих гээд байгаа нь харамсалтай. Түүндээ тулбал, хоорондоо толхилцож, албан тушаалаа булаацалдаад байлгүй хурдан шийдэх хэрэгтэй. Дараагийн бүрэлдэхүүнээ шуурхай томилох хэрэгтэй. Ажлаа сайн мэддэг, туршлагатай, дан дээлтэй сайд нарыг тавих хэрэгтэй. Ер нь бол Засгаараа оролдох нь маш буруу гэдгийг л хэлэх байна.
Зууны мэдээ сониноос...
