МАН задрах нь тодорхой боллоо. Задрал нь доороосоо биш, дээрээсээ эх авлаа. Намын одоогийн дарга М.Энхболдыг ялагдлын "шарх" нь анихаас өмнө дарж авахаар шинэчлэлийн бүлэг нь яарч байна. Намынхаа даргыг гадаадад эмчилгээнд явсан 3 хоногийг ч тэвчиж чадахгүй гэдгээ илэрхийлж сөрөг намын гишүүн, УИХ-ын хоёр дэд даргын нэг болох Санжмятавт Засгийг огцруулах бичгээ МАН-ын 30 гишүүн өргөн барилаа.
УИХ-ын 30 гаруй гишүүн ийнхүү намын дарга М.Энхболд, ерөнхий сайд Ж.Эрдэнэбат нарыг огцруулах аяндаа мордлоо. Намрын ажил, өвлийн бэлтгэл энэ намд хамаагүй бололтой. Бий болсон боломжийг ашиглан "топор цахилгаан төлөвлөгөөндөө" шилжлээ гэж бие даагчид дүгнэж байна. Энэхүү үйлдэл нь МАН-ын удирдлагын хүрээн дэх хамгийн том "дайн"-ы галыг өрдөв. Тэмцэл нэг талынх нь ялалтаар дуусах цагт, нөгөө тал нь улс төрөөс арчигдахгүйн тулд шинэ намыг үүсгэн байгуулна гэсэн таамаглалыг улс төр судлаачид дэвшүүлж байна.
Ц.ХИШГЭЭ