Засгийн газрыг муу ажиллаж байна гэдэгтэй би санал нийлэхгүй. Энэ огцруулах бичиг өргөн барьж буй хүмүүсийн дунд сайдын сандал ширээ мөрөөдсөн хүмүүс бий. Нэр ус нь ч ил болсон тул нэрлээд байх шаардлагагүй. Харин ярьж буй хариуцлагын асуудлыг би дэмжиж буй. Хариуцлагаа хоёр сарын дараа хуралдах намын Их Хурлаараа ярилцана. Гишүүдийн хувийн хариуцлага, ёс зүйг дээшлүүлэх нь улс төрийн намын соёл, түүний төлөвшилд ч чухал үүрэгтэй. Хариуцлага алдсан, ёс зүйн алдаа гаргасан гишүүд, сайд нар сайн дураараа өргөдлөө өгч, үүрэгт ажлаасаа чөлөөлөгддөг ийм ё суртахуунтай байх учиртай. Өнөөдөр үүсээд буй асуудал бол манай намын дотоод асуудал. Түүнийг төртөй, намтай хутгаж хэрхэвч болохгүй. Тэр тусмаа 65 суудал авсан нам сөрөг хүчинтэйгээ хавсран засгаа унагаах тухай санаархлыг тус намын ерөнхий нарийн бичгийн даргын хувьд тэвчиж чадахгүй. Ийм яриа үүсгэж буй намын гишүүдийн өмнөөс ичиж байна. Эцэст нь хэлэхэд, гарын үсэг зурсан бүх гишүүд Засгийг унагана гэж би зураагүй. Намын Их Хурлыг хуралдуулах шаардлагад гарын үсэг зурсан тал ч бий.
Ц.ХИШГЭЭ