1997 оны ерөнхийлөгчийн сонгуулиар МАХН-ын ( тухайн үеийн) нэр дэвшигч Н.Багабанди Монгол улсын 2 дахь ерөнхийлөгчөөр сонгогдсоны дараачаас АН-ын эмхэлсэн Монгол Улсын Засгийн Газар шил дараалан огцорч, УИХ-д 50 суудалтай байсан эвсэл ганцхан суудалтай болтлоо ард түмнээр дүнгээ тавиулсан.
Тэгвэл ерөнхийлөгчөөр Х.Баттулга сонгогдсоны маргаашнаас эхлэн Засаг доргиж эхэлсэн. МАН-ын хоолонд хүрээгүй хэсэг "тогоо руугаа өнгөлзөж", түүнийг нь АН өлгөж авахаар нэгэнт зэхжээ.
- Засгаа огцруулах эсэх нь эрх баригчдын асуудал, -Бид Засаг барихад оролцохгүй, хамтрахгүй гэж АН-ын удирдлагууд шил дараалан хэлж, мэдэгдэж буй ч, Засагтай тооцоо хийнэ гэдэг нь ил тод болжээ. Засгийг огцруулах АН-ын гишүүдийн байр суурь нь МАН-ын бүрдүүлсэн Засгийн Газрыг огцруулан хэврэгшүүлэх, өөрөөр хэлбэл 1996-2000 оны өс хонзонгоо авах нөхцөл бүрдсэнийг илэрхийлж байна гэж хөндлөнгийн ажиглагчид дүгнэж байна.
Ц.ХИШГЭЭ