М.Энхболд Засгийн Газраа хамгаалж чадсангүй. Тун удахгүй түүний ээлж ирнэ гэдгийг түүнд мэдрүүллээ. МАН-ын даргын болон УИХ-ын даргын тамгаа тушаах цаг нь нэгэнт ойржээ. Хэнийг намынхаа залгамжлагчаар залах, хэнд УИХ-ын тамгаа гардуулах бол гэдэг нь ч бараг ойлгомжтой болсон гэж хөндлөнгийн ажиглагчид дүгнэж байна. МАН-ын тамгыг цаг үеийн шинэ баатар Ү.Хүрэлсүх, УИХ-ын даргын тамгыг Ц.Нямдорж авах цаг ойртжээ. Ийм үйл явдал ойрын үед өрнөх нь. Өөрөөр хэлбэл энэ оны төгсгөлөөр Ц.Нямдорж УИХ-ын дарга, Ү.Хүрэлсүх МАН-ын дарга бөгөөд ерөнхий сайдын сэнтийд залрах нь. 2016 оны УИХ-ын сонгуулийн дараа , ярьж тохирсныхоо дагуу тавьсан УИХ-ын даргаар Ц.Нямдоржийг тавьсан бол өнөөдөр ийм асуудалд хүрэхгүй байсан гэж гишүүд нь үзэж байна. Эр хүн хэлсэндээ, эмээлт морь харайсандаа гэдэг. Хэлсэн амласандаа хүрээгүйнхээ балгыг ийнхүү М.Энхболд, багийнхаа гишүүдтэйгээ хамт үүрэх нь. Асуудал М.Энхболдоос, түүний "дарангуйллаас" ургасан гэж хэлж болох нь. М.Энхболд л бүх асуудлыг ганцаараа дур мэдэн шийддэг болсон нь гишүүдийн дургүйцлийг туйлд нь хүргэсний илрэл. Монгол улсын ерөнхийлөгчид нэр дэвшихдээ намынхаа бага хурлын гишүүдийг " хүчиндсэн". Нам дотроо өөртэйгэө өрсөлдөж болохуйц бүх нэр дэвшигчээ бага хурлын үеэрнэрийг татуулах ажлыг гардсан тухай хэвлэлд бичсэнийг сануулах юун. Ганц Нямдорж л эцсийн шатанд " өрсөлдсөн болсон". Мөн Кабинетийг ерөнхий сайд Ж.Эрдэнэбат өөрөө бүрдүүлээгүй гэдгийг бүгд мэднэ. Тиймээс эрх мэдэлд хүрээгүй шинэковчууд, эрх мэдлээс гадуурхагдсан хуучин бууны хугархайнууд нэгджээ. Нэгэнт УИХ-ын дарга, намын дарга, ерөнхий сайдын нэр тодорхой болж эхэлсэн учир Кабинетийн гишүүн хэн хэн байх асуудлыг идэвхтэйгээр хэлэлцэж эхэлсэн тухай ойрын сурвалж мэдээллээ.
Ц.ХИШГЭЭ