Улс төрийн эрэмгий, эрсдэлтэй нүүдэл хийж чаддаг У.Хүрэлсүх хамгийн хүнд хэцүү даваагаа амжилттай давлаа. М.Энхболдын үед бүрдүүлсэн, түүний гэх тодотголтой бага хурлын 300 гишүүний дийлэнх олонхи буюу 63,9%-ийн саналаар үнэмлэхүй ялалт байгуулж ерөнхий сайдад нэр дэвшлээ.
Бага хурлын 294 гишүүний 188 нь У.Хүрэлсүхэд, 101 нь Ө.Энхтүвшинд, 5 нь Н.Энхболдод саналаа өгсөн байна. Хамгийн гол ялалтаа байгуулсан У.Хүрэлсүх ерөнхий сайд болох нь тодорхой боллоо. Түүнийг 10-р сарын 2-ны өдрийн УИХ-ын намрын чуулганаар ёсчлох нь үлдсэн. 76 гишүүний 42 нь түүнийг дэмжиж буй. Дараагийн алхам нь ерөнхийлөгч Баттулга эцэслэн зөвшөөрөх. Үүнийг зөвшөөрсөн гэж тооцож болно. Тиймээс бага хурлын 294 гишүүний өглөөний 05.00 цагт гаргасан шийдвэр эцсийн шийдвэр болжээ.
Ц.ХИШГЭЭ