Ү. Хүрэлсүхийн тэргүүлэх Монголын Засгийн Газар нь МАНМАН буюу МАН+МАН-ын Засгийн Газар болох дүр зураг нь тодорчээ. Засаг солигдож буй боловч эрх барьж буй нам солигдоогүй. Эрх мэдлийн хуваарилалт нам дотроо л өрнөнө. Хүрэлсүхийн талд 34 гишүүн, Эрдэнэбатын талд 31 гишүүн байгаа нь Засгийн хуваарилалтад шууд нөлөөлөх болсон байна.
МАН нэгэнт ижил тэнцвэртэй хоёр фракцад хуваагдсан учир Ерөнхий сайд У.Хүрэлсүх кабинетаа дангаараа толгой мэдэн томилох бололцоогүй болжээ. Ерөнхий сайд Хүрэлсүх Засгийн Газрын кабинетийхаа 55 хувийг л толгой мэдэн томилно, үлдсэн 45 хувийг нь МАН-ын огцорсон Засгийн газрыг дэмжигчид мэдэх нь.
Гэхдээ 45 : 55 харьцаа нь Засгийн газрын гишүүдийн тал хувийг нь үлдээнэ ч гэсэн үг бас биш. Энэ бол хуваарилалтын ерөнхий харьцаа. Нэг л зүйлээр У.Хүрэлсүх өмнөх ерөнхий сайд Ж.Эрдэнэбатаас ялгарна. Тэр хоёр фракцаас нэгдсэн Засгийн газрыг хэнээс ч асуухгүйгээр удирдана.
Ц.ХИШГЭЭ