МАН-ын 28-р Их Хурал 4 дэх өдрөө Соёлын Төв Өргөөнд үргэлжилж байна. Намын даргаараа У.Хүрэлсүхийг сонгосон бол одоо түүний удирдлага дор ажиллах удирдах бүрэлдэхүүнийг сонгох ажилдаа орсон байна. Намын бага хурлын гишүүдийн тоог 369-аар тогтсон байна. Яг одоо эдгээр гишүүдийн төлөө санал хураалт явж байна. Үдээс хойш намын ерөнхий нарийн бичгийн даргыг сонгоно. Эмэгтэйчүүдээс Цолмон ( эрүүл мэндийн дэд сайд асан), Амарбаясгалан нар одоогоор дэвшээд байна. МАН-ын генсек-д өрсөлдөхөө жилийн өмнө илэрхийлж байсан Хас-ын тодотголтой Ганхуяг одоохондоо чимээгүй байна.
Өмнөх хурлын туршлагаар, Мөнхбатын адил заалнаас нэр дэвших хүмүүс байхыг бас үгүйсгэхгүй. Гэхдээ л У.Хүрэлсүхийг намын дарга болгохын төлөө дэмжиж ажилласан МАН-ын төв аппаратын ерөнхий нарийн бичгийн дарга Амарбаясгаланг дахин сонгох нь ойлгомжтой гэсэн уур амьсгал төлөөлөгчдийн дунд нэгэнт үүсчээ.
Ц.ХИШГЭЭ