Шинэ оны босгон дээр "ХҮН МОД" МУСК тун удахгүй Тэнгис кино театрт нээлтээ хийх гэж байна. Найруулагчаар нь та бидний танил "Guys" хамтлагын дуучин Төгсбаяр ажилласан бөгөөд өөрөө гол дүрд нь тоглож "Born film", "Imagination film" студи тус тус хамтран бүтээжээ.
Киноны товч агуулга : Нэгэн айлын 4 хүүхэд амьдрал нь ядуухан ч гэсэн ээжтэйгээ хамт аз жаргалтай амьдарна. Гэвч ээж нь өөд болж ах дүү 4 бага насандаа өнчирч үлдэнэ. Том ах Идэрээ нь ээжийнхээ захиасыг сэтгэлдээ тээж 3 дүүгийнхээ төлөө хар багаасаа ажил хийж зүтгэсээр нэг л мэдэхэд тэд өсөж том болсон байна. Үргэлж нэг нэгнийхээ төлөө гэсээр ирсэн ах дүү 4 өөрсдийн гэсэн амьдралтай болсон ч дүү Цогоогийн амьдралд саад бэрхшээл тулгарна. Тэд саад бэрхшээлийг хэрхэн даван туулж, ээжийнхээ захиасыг биелүүлж байгааг та "ХҮН МОД" МУСК-оос хүлээн авч үзээрэй. Кино 12-сарын 29-нд Тэнгис кино театрт нээлтээ хийх юм байна.
Ц.ХИШГЭЭ