Зургаан найруулагч тус бүр богино хэмжээний зургаан кино хийж, "Бумеранг" нэртэй антологи киног бүтээжээ. "Бумеранг" кино 1-р сарын 26-ны өдрөөс Тэнгис кино театрт нээлтээ хийх бөгөөд үзэгч та нэг дор зургаан өөр мэдрэмжийг энэхүү бүтээлээс авах боломжтой. Зөвхөн насанд хүрэгчдэд зориулсан уг киноны найруулагчаар Б.Ганболд Б.Чингүүн П.Дэлгэрбаяр Ч.Ганзориг Ш.Доржсүрэн Ч.Батбаяр нар ажиллажээ. Тэд өөр өөрсдийн сэдвээр найруулан тавьсан тус бүтээлдээ өөдөө шидсэн чулуу өөрийн толгой дээр гэдэгтэй агаар нэгэн адил бидний бодож, ярьж эсвэл хийсэн бүхэн эргэн ирдэг. Хүн төрөлхтөн үйлийн үрээс зугтах боломжгүй гэсэн санааг кинондоо тусган харуулахыг зорьсон байна.
Ц.ХИШГЭЭ
