Үхэр жилтнүүдийн хувьд нохой жил харш тул Груван гүрэм, Сундуй, Шишиджойтав айлдуул. Үхэр жилтэй эрчүүдийн яс тасрахын үүд нээгдэх тул бэртэж гэмтэхээс болгоомжил. Бусадтай хэрүүл маргаан хийхийг цээрлэ. Цагаан шүхэр, Бумчин уншуул. Үхэр жилтэй эмэгтэйчүүдийн хагацлын үүд нээгдэж ойр дотны хүнээс хагацах гэм буй. Жанлавцогзол, Цагаан шүхэрт уншуул. Суудал өнцөгдөж байгаа тул суудлын засалд Сундуй уншуул.
1925 оны модон үхэр жилтэн
Буяны тэнгэр ивээж, санасан хэрэг сэтгэлчлэн бүтнэ. Архи болон ариун бус зүйлийг тэвч. Онгон дагшин газар чулуу хөндөхөөс болгоомжил.
1937 оны гал үхэр жилтэн
Тэнгэр бурхан ивээж, өлзий хутагийн наран урдаас мандаж, санасан хэрэг сэтгэлчлэн бүтнэ. Бурхан шүтээндээ зул өргөж, бусдад бүү муу сана.
1949 оны шороон үхэр жилтэн
Арилжаа наймаанд олз ашиг сайн. Хурим найрын архи бүү уу. Хад чулуу бүү хөнд.
1961 оны төмөр үхэр жилтэн
Бурхан шүтээнээ тахиж, бусдад муу санаа бүү агуул. Үнэтэй чамин хувцсанд шунах, хад чулуу хөндөхийг цээрлэвэл зохино.
1973 оны усан үхэр жилтэн
Санасан үйлд саад үгүй ч эд агуурс хомсдон буян барагдах, анд нөхдийн сэтгэл урвах гэм буй тул муу сэтгэлийг дарж, хүүхэд ядуусд сэтгэлээр өглөг өг.
1985 оны модон үхэр жилтэн
Биед өвчин үгүй санасан ажил бүтэж, эд агуурс мал сүрэг өсөн үржинэ.
1997 оны гал үхэр жилтэн
Биед өвчингүй амгалан байна. Онгон дагшин байгальтай газар шороо чулуу хөндөж, улайны газар явахыг цээрлэ.
2009 оны шороон үхэр жилтэн
Биед өвчингүй амгалан байна. Хүний хуучин хувцас бүү ав. Бусдад бүү муу сана. Бурхан шүтээнээ тахь.
