"Ардчилсан намаас 116 хүн хөөгдсөний дотор УИХ-ын гишүүн а ан Р.Амаржаргал, Э.Бат-үүл, Л.Гантөмөр, Х.Тэмүүжин, Да.Ганболд нарын эрхмүүд багтжээ. Харин тэдний оронд нийгмийн даатгалд ажиллаж байсан 116 хүн орсон байна" гэсэн жиргээг АН-ын анхдагчдын нэг гэгддэг нийтлэлч Баабар буюу Д.Батбаяр цахим хуудаснаа нийтэлсэн юм. Нэг үгээр "АН С.Эрдэнийн нам боллоо" гэдгийг цаагуураа илэрхийлсэн түүний энэ жиргээ олон нийтийн дунд асуулт дагуулаад байгаа билээ. АН-ын лидерүүд үнэхээр намаасаа хөөгдсөн үү эсвэл угаасаа шинэчлэгдэж байгаа АН-ын бодлоготой зөрчилдөж өөрсдөө гарав уу? гэх мэтээр...
Аль нь тодорхойгүй ч АН-ын одоогийн удирдлагууд, зарим гишүүд нь энэ бол "Баабар С.Эрдэнэтэй таагүй харьлцаатай байдгаа илрэхийлсэн зүйл" гэх мэтээр тайлбарлаж байгаа юм.
Гэхдээ үүний цаана зарим нь энэ алхамыг Үндэсний Бодлогын Хорооны ротаци буюу эргэлт хэмээн тодорхойлж байгаа юм.
Харин өнөөдөр АН-ынхан ҮБХ-доо эргэлт хийж байна уу, ардчилагчдаа алагчилж байна уу гэх асуулт дагуулсан мэдээлэлд өнөөдөр хариулт өгөхөө мэдэгдлээ. Тэд өнөөдөр 12 цагт МҮСТО-д болох ҮБХ-ны сонгуулийн нэр дэвшигчдэд үнэмлэхийг нь гардуулах ажиллагааны үеэр АН тойрсон асуултуудад хариулах юм байна.