.jpg)
Монгол улс ёс суртахуун, улс төр, эдийн засаг, нийгмийн гүн гүнзгий хямралд орсон гол буруутан нь нам, намын бүлэглэлүүд гэж Иргэний Зориг Ногоон Нам үзэж байна. Тэр дундаа монгол усыг 28 жилийн турш дангаар болон хамтран удирдсан МАН, АН-д хариуцлага хүлээлгэх ёстой гэж үзэж байна.
МАН, АН-ын засаглалын үед монгол хүний үнэ цэнэ алдагдан, авлига хээл хахууль дээд цэгтээ хүрч, гадаад өр хяналтаас гарч, баялгийн эзэн болсон ард түмэн өмчөө захиран зарцуулах эрхгүй болсон... гээд маш олон гажуудлууд үүссэн.
Мөн манай улсын газар нутгийн 30 гаруй хувь нь хайгуул, ашиглалтын лиценз нэрээр хувь хүмүүс, ААН, гэмт бүлэглэлийн гарт орж Монгол улсын аюулгүй байдал, хил хязгаар, газар нутгийн бүрэн бүтэн байдал, байгаль экологийн тэнцвэртэй байдалд ноцтой аюул занал учруулаад зогсохгүй үндэсний эв нэгдлийг бусниулж байна ИЗЗН үзэж байна.
Тиймээс Улс төрийн намын тухай хуулийн 23.2-т заасны дагуу
"Монгол улсын бүрэн эрхт байдал, тусгаар тогтнолыг бусниулах, үндэстний эв нэгдлиг задлан бутаргах..." хэв шинжийг агуулсан МАН, АН-ын татан буулгах талаар ард түмний дунд санал асуулга явуулж, Монгол орноо улс төрийн боолчлолоос салгах" тэмцэл эхлүүлэхээр шийдсэн гэж мэдэгдлээ.
Ингэхдээ дараах, уриалга, шаардлагыг гаргажээ
1. Ард иргэд, иргэний нийгмийн байгууллага болон улс төрийн намуудад бүх намуудыг татан буулгаж улс төрийн дахин хуваарилалт хийхийг
2. Монгол Улсын ерөнхийлөгч улс төрийн бүх намуудыг татан буулгаж, ард иргэдийг улс төрийн намын боолчлолоос татан буулгах хууль санаачилж, УИХ-д өргөн барихыг
3. УИХ бү улс төрийн намуудыг татан буулгах хуулийн төслийг хэлэлцэн батлахыг тус тус шаардаж байна.
Мөн тэд 4-р сарын 2-5-ны өдрүүдэд Сүхбаатарын талбай дээр санал асуулга явуулах учраас ард, иргэдийг идэвхтэй оролцохыг мөн уриалж байна.
С.ШҮРЭНЧИМЭГ
