Яг ингэж хэлээгүй. Гэхдээ "Монголын улс төрчид юу ярихыг гадаад ертөнц үг алдалгүй чагнадаг. Тэгснийхээ дүнд хариу үйлдэл үзүүлдэг болсон. Энэ нь цаашдаа Засгийн газрын бонд, зээлжих зэрэглэл, олон улсын нэр хүнд гээд эдийн засгийн утгаараа маш их халтай байна" гэж хэлсэн. Нутгийн дүүгийн энэ хэлснийг, олон улсын тавцан дээр гэрээ хэлцэл хийхэд ашиггүй хувилбар руу хөтлөх болсныг аргагүй дуулгалаа гэж ойлгож болохоор. Үйл ажиллагаа нээлттэй байж болно, харин бодлогоо тэгж задлах нь үнэндээ л буруу болов уу?
Шатрын өрөгний ард суугаа өвгөн ах нь ч гэсэн нүүдлээ задлахыг хүсэхгүй шүү дээ. Улсын Их Хурлын гол гол чуулганыг ч, ялангуяа эдийн засагтай холбоотой хуралдааныг ч хаалттай хийх шаардлагатай гэж би хувьдаа үздэг.
Одоо бол эдийн засаг, мэдээлэл, технологийн тагнуул газар авсан үе. Монгол шиг задгай, замбараагүй улс орон байхгүй болов уу? Амны дор хагархай гэж, хамаагүй цуурч болохгүй. Монголыг тагнахад туршуул ч хэрэггүй, төсөв мөнгө ч шаардлагагүй. Чуулганыг нь Сансар кабелийн сувгаараа шууд дамжуулдаг. Бичлэг хийж авдаг. Үг үсгийг нь хэдэнтээ давтан үзэх, сонсох, задаргаа хийх боломж нээлттэй байгаа. Төр болсон хойно, зарим зүйлээ хумибал яасан юм бэ?
А. САЯН
