Засгийн газрын өчигдрийн хуралдаанаас "Төрийн орон сууцны корпорацид баригдаж байсан, дуусаагүй зарим барилгыг Хөгжлийн банкны санхүүжилтээр барих шийдвэр гаргасан юм. Үүндэ, Улаанбаатар хотод Буянт-Ухаа хоёрдугаар хороололд баригдаж байгаа 972 айлын орон сууц / 9 давхар, 18 блок/, Говь-Алтай, Дундговь, Орхон, Хөвсгөл аймагт баригдаж байгаа барилгууд багтжээ.
Төрийн орон сууцны корпораци одоохондоо өөрөө Хөгжлийн банкнаас зээл аваад үйл ажиллагаа явуулах боломжгүй. Тиймээс Хөгжлийн банк балансаас баланст шилжүүлээд нийтдээ 54.5 тэрбум төгрөгийн хөрөнгийн эх үүсвэрийг гаргахаар шийдвэрлэжжээ. Ингэснээр барилгууд энэ оны арваннэгдүгээр сард дуусна гэж тооцоолжээ.
Эдгээр барилгууд 2016 оноос хойш буюу 2 жилийн хугацаанд зогсонги байдалд орсон бөгөөд ТОСК зээлийн өр,төлбөр ихтэй, нэмж зээл авах санхүүгийн боломжгүй учир тухайн гүйцэтгэгч компаниудыг санхүүжүүлэх боломжгүй байжээ. Нийт 1562 айлын орон сууц юм.